Уақыт өте берді. Мұрат өсе берді... Мектеп оқушыларының жеңіл атлетикадан болған аудандық жары- сында Николай Трофимович бастап барған «Қызыл шегара» жеті жылдық мектебінің ұжымы бірінші орынға ие болды. Мұраттың да қажырлы түрде жаттығуы жемісін көрсетті, ол жүз метрге жүгіруден аудан бойынша екінші орынға ие болды. Жарыс соңынан Николай Трофимович мөлдір сулы кең арнаның жағасында шәкірттерімен әңгімелесіп отырды. – А жеңбейтін қиындық, алмайтын қамал жоқ, – деді Николай Трофимович... – Мен саған, – деді ол Мұратты нұсқап, – мынаны айтайын: орыстың атақты қолбасшысы Суворов жасында сен сияқты нәзік, аурушаң бала болған. Ол он екі, он үш жасынан бастап өзін шынықтырумен болды. – Суворов жасында мен сияқты болған ба? – деп көзін қысыңқырап Мұрат Николай Трофимовичке күле қарады. – Иә, солай. Үнемі өзін шынықтырудың нәтижесінде денсаулығы күшті, болаттай берік, төзімді болды. Солдаттарын да осылай тәрбиелеп, боранды, суық күндердегі жорықтарда бірге жаяу жүріп, қар төсеніп, мұз жастанып жүрді... Осының бәрі еңбектенудің, жаттығудың нәтижесі. Сенің де осылардың біріндей болуың мүмкін... Б. Соқпақбаев. «Он алты жасар чемпион» әңгімесінен.
ВЫДЕЛИТЬ МАЗМҰНЫ, ИДЕЯСЫ, ТАҚЫРЫБЫ, МАҚСАТЫ, КЕЙІПКЕРЛЕРІ, СТИЛІ.​