Жаттығу 1.4 1. Мұз араласқан суды салқын күйінде термоста ұзақ сақтауға бола ма? 2. Жемістерді сақтайтын суық қойма салу керек болса, салқындатқыш элементті қойманың қай жеріне орналастырған тиімді? 3. Екі бірдей ыдысты бірдей мөлшерде сумен толтырып, біреуінің бетіне шыны, екіншісінің бетін ағаш қақпақпен жапқан. Ыдыстарды Күн сәу- лесі түсетін орынға орналастырса қай ыдыстағы су молырақ қызар еді? 4. Ауа райы суық өңірлерде тұрғын үйлерді салғанда жылу шығынын кемiтетiн амалдар қарастыру керек. Мұндай шығындар жылу берілудің (алмасудың) қандай түрлері арқылы орын тебеді? 5. Кейбір ғимараттар қыс айларында тез суып, ал жаз айларында тез ысып кетеді. Осының себебін анықтауды 8-сынып оқушыларына тапсырған болса, сендер қандай мәселелерге көңіл аударар едіңдер және қандай ұсыныстар жасар едіңдер?